ჩვენ ვხელმძღვანელობთ „4 С“ - ს პრინციპით :

• Communication  –  კომუნიკაცია
• Collaboration  –   თანამშრომლობა
• Critical thinking  -  კრიტიკული აზროვნება
• Creativity  –  შემოქმედება

საქართველოს პროფესიული განათლების ფონდი, როგორც არასამეწარმეო, არაკომერციული იურიდიული პირი, დაფუძნდა 2012 წელს. იგი შეიქმნა 2002 წლიდან მოქმედი პროფესიული განათლების მუშაკთა ასოციაცია „პირამიდა“- ს ტრანსფორმაციის შედეგად და წარმოადგენს ასოციაციის მემკვიდრეს, რომელიც მოსახლეობის სხვა და სხვა ასაკობრივი კატეგორიის პროფესიული სწავლების გაუმჯობესების მიზნით წლების განმავლობაში აქტიურად თანამშრომლობდა: IIZ/DVV-თან, მეწარმეთა დარგობრივ გაერთიანებებთან, აგრეთვე ETF-ს ეროვნულ ობსერვატორიასთან, BIBB-თან, GTZ-თან, ILO-თან, JOINT-თან, MASHAV-თან და სხვა საერთაშორისო ორგანიზაციებთან.

ფონდი არის საქართველოს სავაჭრო-სამრეწველო პალატის წევრი, გაფორმებული აქვს ურთიერთგაგებისა და თანამშრომლობის მემორანდუმები საქართველოს სავაჭრო-სამრეწველო პალატასთან, მეწარმეთა დარგობრივ გაერთიანებებთან, საქართველოს პროფესიული კავშირების გაერთიანებასთან, საქართველოს განათლებისა და მეცნიერების, შრომის, ჯამრთელობისა და სოციალური დაცვის სამინისტროებთან, სოფლის მეურნეობის მეცნიერებათა აკადემიასთან, უმაღლეს სასწავლო დაწესებულებებთან და სხვა. ამჯამად აერთიანებს სხვა და სხვა დარგის 68 თეორეტიკოს და პრაქტიკოს ექსპერტ-სპეციალისტს.

2003 წელს თბილისის სამშენებლო ლიცეუმის ბაზაზე IIZ/DVV-ს ფინანსური დახმარებით შეიქმნა „ზრდასლულთა პროფესიული განათლების ცენტრი“, გარდა ამისა სხვა და სხვა ორგანიზაციებთან ერთად შეიქმნა სამი დარგობრივი ცენტრი. ამჯამად საქართველოს მეფუტკრეთა გაერთიანებასთან ერთად იქმნება სპეციალიზირებული სასწავლო ცენტრი. მოთხოვნილებათა შესწავლის საფუძველზე IIZ/DVV-ს დაფინანსებით, დამსაქმბელთა, მეცნიერთა და პრაქტიკოს სპეციალისტთა დახმარებით, BIBB-ის და ETF- ის მეთოდოლოგიური რეკომენდაციების გათვალისწინებით შემუშავდა და აპრობაციისთვის სასწავლო დაწესებულებებამდე დაყვანილ იქნა 17 პროფესიული საგანმანათლებლო სტანდარტის პროექტი.

აღნიშნული სტნდატების შესაბამისად შემუშავებულ იქნა და IIZ/DVV დაფინანსებით გამოიცა 17 სახელმძღვანელო. სპეციალური საგნების მასწავლებლებსა და ტრენერებს უტარდებოდა მომზადება-გადამზადების ტრენინგები. ტარდებოდა ფერმერების სწავლება და კონსულტაციები. დამსაქმებლებთან და ადგილობრივ მმართველობასთან ერთად ბორჯომის პროფესიული სასწავლებლის ბაზაზე მომზადდა 6 ინსტრუქტორი და მათი მეშვეობით ბორჯომის ისტორიული ნაწილის აღდგენითი სამუშაოებისთვის სამთვიან კურსებზე დაუსაქმებელი მოსახლეობის სწავლებით მომზადებულ იქნა 36 სამშენებლო სამუშაოების ოსტატი.

სამშენებლო კომპანიების - „აქსისი“ - ს, „ალიონი“ - ს, „ალგეთი“ - ს დაფინანსებით ზრდასრულთა პროფესიული განათლების ცენტრის ბაზაზე სამშენებლობლო პროფესიებში მომზადდა 22 ადამიანი (4 ბავშვთა სახლის აღსაზრდელი, 9 უმუშევარი და ამ კომპანიების 10 ახალბედა მუშაკი).

2006 - 2008 წლებში „ჯოინთი“ - ამერიკის ებრაელთა გაერთიანებული გამავრცელებელი კომიტეტი-ს ფინანსური მხარდაჭერით 6 პროფესიაში ჩატარებულ იქნა სასწავლო კურსები : ფონდი, 2007 წლიდან დღემდე ახორციელებს პროექტს „საინფირმაციო შემეცნებითი, შემოქმედებითი პორტალი www.education.ge”, რომელსაც უკვე ჰყავს 1,5 მლნამდე ვიზიტორი. პორტალი ხელს უწყობს ახალგაზრდებს და ზრდასრულ ადამიანებს გამოავლინონ და განავითარონ შემოქმედებითი პოტენციალი, გახდნენ არა მარტო მკითხველები და მაყურებლები, არამედ თვითონ ქმნიდნენ საკუთარ ცხოვრებას. ექსპერტების თანხლებით შექმნილია ასობით ფსიქოლოგიური, მათ შორის პროფესიული ორიენტაციის და პროფესიონალიზაციის ტესტები.

2011– 2012 წლებში, ონლაინ რეჯიმში, ქვეყნის მასშტაბით ჩატარდა შემოქმედ-პედაგოგთა კონკურსი „ნოვატორი“.

2012 წელს ფონდის მიერ შემუშავდა და წარედგინა მთავრობას პროფესიული განათლების ტრანსფორმაციის პროექტი, რომელმაც დაიმსახურა საქართველოს განათლებისა და მეცნიერების, აგრეთვე სოფლის მეურნეობის სამინისტროების დადებითი შეფასება. სხვა და სხვა საერთაშორისო ორგანიზაციების დაფინანსებით წლების განმავლობაში ჩატარდა სხვა და სხვა სახის 131 სასწავლო კურსი, ტრენინგი, სემინარი და ჯგუფური კონსულტაცია. მათი უმეტესი ნაწილი ტარდებოდა რეგიონებში, მათ შორის 39 ჩატარდა ზრდასრულთა პროფესიული განათლების ცენტრის ბაზაზე. სწავლებაში, ტრენინგებსა და კონსულტაციებში ჩართული იყო 2204 მსმენელი და 163 ტრენერი, მათ შორის ბიზნესისა და დამსაქმებელთა წარმომადგენლები, უმაღლესი და პროფესიული სასწავლებლების მასწავლებლები, კვლევითი და სამეცნიერო დაწესებულებების სპეციალისტები.